ភ្នំពេញ៖ ក្រសួងការពារជាតិឲ្យដឹងថានៅត្រឹមរសៀលម៉ោង៤នេះ កងកម្លាំងនៅមិនទាន់រកឃើញឧទ្ធម្ភាគចក្រដែលបានបាត់នៅឡើយទេ បន្ទាប់ពីបើកប្រតិបត្តិការរករកកាលពីព្រឹកថ្ងៃទី ១៣ ខែកក្កដា ឆ្នាំ២០២៤នេះ។
បើតាមក្រសួងការពារជាតិ ឧទ្ធម្ភាគចក្រមួយគ្រឿង បានបាត់ការទាក់ទងជាមួយទីបញ្ជាការទ័ពអាកាស នៅក្នុងភូមិសាស្ត្រជួរភ្នំក្រវាញ ស្ថិតក្នុងខេត្តពោធិ៍សាត់ និងខេត្តកោះកុង ក្នុងពេលកំពុងហាត់ហ្វឹកហ្វឺន។
ក្រសួងបញ្ជាក់ថា៖ «ឧបទ្ទវហេតុនេះបានកើតឡើងដោយសារអាកាសធាតុមិនអំណោយផល»។
នៅពេលនេះក្រុមការងារបានបន្តរុករកបន្ថែម។ ចំពោះលទ្ធផលយ៉ាងណា EAC នឹងជម្រាបជូននាពេលក្រោយបន្ថែមទៀត៕
